जनता 4k टिभी जनकपुरधाम। धनुषाको कमला नगरपालिकाबाट सरुवा भई लेखा अधिकृत सँजीव कुमार महतो बुधबार हँसपुर नगरपालिका मा हाजिर भएका छन्।
कमला नगरपालिकासँग सम्बन्धित एक मुद्दाका कारण अख्तियारको अनुसन्धानमा परेपछि केही समय जिम्मेवारीबाट अलग रहेका महतोले अनुसन्धान प्रक्रियाबाट सफाइ पाएपछि पुनः नियमित सरकारी सेवामा फर्किएका हुन्।
हँसपुर नगरपालिकामा आयोजित स्वागत कार्यक्रममा नगर प्रमुख, प्रमुख प्रशासकीय अधिकृत, कर्मचारी तथा जनप्रतिनिधिहरुले उनलाई स्वागत गर्दै कार्यभार हस्तान्तरण गरेका थिए।
नगरपालिकाले आर्थिक प्रशासनलाई थप प्रभावकारी बनाउन महतोको अनुभव उपयोगी हुने विश्वास व्यक्त गरेको छ। उनकाे आगमनसँगै लेखा तथा वित्तीय व्यवस्थापनका कार्य थप व्यवस्थित र प्रभावकारी बन्ने अपेक्षा गरिएको नगरपालिकाले जनाएको छ।
